لعُيون العراقية .. من، حكمت البيداري

المشرف العام

[ندعوك للتسجيل في المنتدى أو التعريف بنفسك لمعاينة هذا الرابط]

لعُيـــــون العراقيـــة

لعُيـــــون العراقيـــة، الميّهــا زُلال
طعـم العسل واطيب، شَــهدَه حَلال
لوضـحكت أدمّـر، أتفلـــش جبـــال
ويـله ياويـله، من يگــرب الخیــال
لو صوبته بنظـره، ينچتل بالحـــال

بعُيون العراقية ..

چفـــوف العراقيــــة، يـادوا المعــلول
لمســـتها علويــه، أطــيب المشـــــلول
واللي گعـد فيها، أمراضـه كلها أتزول
واللي سكن عشها، ويّاها عمره يطـول
نـور الحيــاة هيَّ، بـدر وگمـر وهــلال

منوره العراقية ..

هنيـــال عاشـــگهـا، هنيـــــاله هنيـــال
يامســعده الحبهـا، والگلبــه الهــا مـال
نعمـة الوفى بالحب، بيها الحمـل مامال
نشــــميه هـل خيّــا، لو ربـت اجيـــــال
صگور وأسود سباع، ابطال ولد ابطال

ولد العراقية ..

بطبــع العراقيـة، معروفـه الخصال
تنصــاغ بس الهـا، تنـگال الأمثــال
باگــت ورد حلــوه، رقـــه وجمـــال
والعقـــــل زينـــــه، والحســـن دلال
عفه وكرامه وشرف، وغيرة رجـال

والنعم عراقية ..

حكمت البيداري
7.11.2007

المدير العام

عاشت أيدك على هل الكلام الحلو فالعراقية تستاهل

المشرف العام

عبدالله النوفلي كتب:: عاشت أيدك على هل الكلام الحلو فالعراقية تستاهل

نعم ياعبدالله

وكل العراقين الشرفاء

رعاك الرب

» گلّي عراقي، وأخذ عيناي .. حكمت البيداري
» أبو ذيات .. للمحافظات العراقية
» عناوين السفارات العراقية في الخارج
» كلمات وتعابير سومرية وكلدانية في اللهجة العراقية
» من موقع الحدث تغطية اعلامية لزيارة كفن المسيح في مدينة تورينو للجالية العراقية المسيحية