يادولة الفافون ،، حَضّر البقچة !

يادولة الفافون ،، حَضّر البقچة !

يادولة الفافون ،،

الشعب
منك تعب
جم دوب تظل
على الحبل تلعب
وتدري بحبل الشعب
من يلتف على الرگاب ،،

سؤال ..
ياخائن وطن ؟!
وياظالم أبن ظالم ؟!!
ياحرامي أبن حرامي؟!!!
وصاحب ملف أجرامي ؟!!!!
منو منهم فلت ومادفع الحساب؟!!!!!

لملم ..
بوگاتك
وأختلاساتك
وبقچة چوالاتك
وعباياتك وعماماتك
عطايا أسيادك بني غلام ،،

شيل ..
شكو عندك
وشكو ماعندك
من خيرات وطنا
ومن دولارات نفطنا
من مال السحت الحرام ،،

يله أشلع
أعبر الحدود
بالك بيوم ترجع
متسلل وترد ردود
من على أرض الحرام ،،

أخذها وروح
حالك حال غيرك
وشمكثرهم بهل زمن
من ولد الحرام
من ولد الحرام
..

بيدارو

عزيزي حكمت أبشرك وابشر كل عراقي شريف يحب ويخاف على بلده ةشعبه بفوز القائمة العراقية بقيادة الدكتور أياد علاوي وأنشاء الله يريد ما يريد المالكي نفدي يحضر بقجته ويرجع من وين ما أجانا هو وزمرته التعبانه .

--------------------------------------------------------------------------------


ألف ألف مبروك للقائمة العراقية وخاصة للاستاذ الدكتور اياد علاوي .... ونتمنى منك يادكتور أنه على ايدك وأيادي كل الشرفاء اللذين سوف يلزمون زمام أمور البلاد بأن تعيدوا العراق مثل الاول وأفضل وأن يعيش شعب العراق بكل أطيافه ومذاهبه وأديانه عيشة شعب واحد متكاتف يضرب بيد من حديد كل من تسولوه له نفسه بأن يزرع الفتنه الطائفيه والتفرقة على حساب شعبنا وبلدنا .... نتمنى منك أن يبنى العراق وتعاد حضارته وثقافته وفنه ورياضته وبسمة الطفل تعود على وجوه أطفالنا الاعزاء .

ألف ألف مبروك ونحن معك قلباً وقالباً حتى وأن كنا مقيمن بالمهجر فتأكد بأننا عراقيين أملنا الوحيد هو أن يعود عراقنا الحبيب مرفوع الرأس وتبقى رايته خفاقة وعالية بين ساريات أعلام دول العالم .

اخي قيس

لانتمنى فقط بل نسعى مخلصين لتحرير عراقنا وشعبنا الحبيب، الصابر على ما ابتليه به من حكام وسياسين ومراجع دين مترنحة مابين الجشع والجهل والغباء والخيانه والعماله والولاء الغير نزيه لأطراف طامعة بخيرات العراق واستعباد شعبه الأبي، لكن هيهات ان ينال منه البغاة وسينهض بهمة وسواعد وعقول اهلة، شبابه ورجاله، إن شاء الله

وشكراً