ذيل الچلب ماعدل !

ذيل الچلب ماعدل !

اگعد عوج، أحچي عـدل
يل تثرد أبروسنا البصل
لا تدعــي كلـــك عـــــلم
لابـــد نهـــــاية للفــــــلم
وينتــهي دورك يابطـــل

مغنـطه عنـــدك ياخـايب
بس تجلب النا المصايب
حـلم صـار عدنـا ويــاك
أبتســم خل مـره نلـگاك
لو نلتـقي مثــل الحـبايب

طبــع بيــك ومـاتغيـره
خشم عالي يطير طيره
أنـزل ويـانه واللــــعب
يجيك يوم وتراك تتعب
المسئله صارت خطيـره

يــله الحــك بينــا يـله
أتــرك غرورك وخــله
مامنـه غـيـر الخــراب
ضيــعلك أعز أصـحاب
ربـــالك بالـگلب عــله

تمنينــا وضـلينا بأمـل
الصبـر من عدنـا مــل
مالگينـــا ويــاك حــل
والطينــــه زادة بــــلَّ
وذيل الچــلب ماعدل !

بيدارو