حرامي البيت ..

المشرف العام

حرامي البيت ..

يتمختر يتمايل
يتباها يعجبه
يتمشى وشايل
البوگه ابعبه
تمعمع مثل الطلي
وين اليصيح حرامي
مليون بلوه يبتلي

يل عايش أبظلمة
وعيونك تشوف الظلم
وأيامك أمعتمة
لانور شمس لاعلم
يمتى ولك يمتى
يمتى ليلك ينجلي

يگولون ..!
اللي يبوگ ,,
ويعذب الشعب
ماعدى الشعب
تالي الله يحاسبه

دير بالك يوم
هل الكذاب أتكذبه
لوتوگف مره بدربه
يطبق قانونه الهمشري
يبيعك بيك ويشتري
ويعد عليك الأنفاس
ويزغلط بالحسبه

وسط الوطن
يل عايش بغربه
لاأهل لاصحبه
لاحايط يستر، لاسگف
لاثوب يغطي، لالحف
خبز المذله اليابس
بدموعك أترطبه

الدنيا صارت مكلبه
الطفل بينا أتشيبه
ترضى لو ماترضى
تكرط بيك الأرضه
صارت، كلمن اله
والما اله، مرض يطبه

حكمت البيداري

» حرامي البيت ,,
» إن لم يبنِ الرب البيت فباطلا يبني البناؤون