ابو ذيات البيداري

المشرف العام

تَرَانِي وَيـاك عَالعَهـد وَ بَشِّـــر
وَشـمَا رَمَّانِي الْعَــــــاذِل بَشِّــر
لَاسْحَر جَن، لَاجَان وَلَا بَشِّـــــر

يَثْنِيْنِي عَن حُبَّك لَوْن بِيَدِه الْمَنِيَّه

بَيْدَارْو

الْمَعَانِي:

وَبَشِّر : أُبَشِّر
بَشِّر : فِي الْشَّر
الْمَنِيَّة : الْمَوْت أو لَحْظَة الْمَوْت

المشرف العام

يخليلك الويلاد، يستر على بنيتك
بحب الوطن وأهله صفيلي بنيتك
بوسط الگلب ياعراق بنايه بنيتك

بدربك على السعدون أخذلي تحية

تأليف
بيدارو

المشرف العام

أمن ياحبيبي بيوم وأنطيني گلبك
مگلبني أنتَ زين وماغيري گلَّبك
أمشي عدل وياي مره، لا كلَّ بك

وياك تعجبني السوالف والأبو ذيه

تأليف
بيــدارو

المشرف العام

شكثر مرات تعنيتله وأهو ما مش
ناطور على دربـه أموتاً وما مش
يل گلت مــش بـوزك، أنا ما مش

على عهد الهوى، روحي وفيه

تأليف
بيدارو

المعاني :
تعنيتله : قصدته أو ذهبت اليه
وأهوا ما مش : هوا لم يأتي أو لم يحضر وغير موجود
وما مش : لن أمشي أو لن أترك مكاني
مش بوزك : أمسح ذقنك
أنا ما مش : أنا لن أمسح

المشرف العام

گلـت خلـه ياگلبي وعوفـه عالراح
حسبـته وفي مثـلي ويحن عالراح
وسفى تالي صفگت الراح عالراح

الحب خسارة عمر فوگ الأذيه

تأليف
بيــدارو

المعاني:
عوفـه عالراح: أتركه على راحته أو مايرتاح له
يحن عالراح: يحن على ما مضى
صفگت الراح عالراح: صفقت كف على كف
فوگ: أضافه أو نكمله أو فوق

المشرف العام

ذالك الجنت بيده كمانه وعوده
نكـرني ونسـى ويـايـا وعوده
جفاني وراح، ماظن اله عوده

وأنا الظليت، بس أصفك بديَّه

تأليف
بيــدارو

المشرف العام

على الچـانوا اللي أحبـابي و سـالي
گلـت أنشــد گليبـي، ومــن سـؤالي
أنفتـگ جرحـه وغــدى دمـه سـالي

عبر خمسين گلبي وجروحه طريه

تأليف
بيــدارو

المشرف العام

دنت مني وشاورتني! وك يا بيداري
يـل گلبـك صــفى منزلي و بي داري
ليش أتغـشم أبروحك وأنتَ بيَّ داري

هاك الگلب وأسمع، دگاته بيداريه

المشرف العام

دنت مني وگالت، خل نلعب عالمحبة طره وكتبه
أذا تغـلب، تخسـر، بوسـط گلبي، أدگ أسـمك وكتبه
گلت، خايبه تهدي، تراه العمر خلصـان، ماظل وكت به

ذاك الجاي تشوفينه، أبني، شباب وروحه زهيه

تأليف
بيــدارو

المعاني :

طره وكتبه : وجهي العمله النقديه

المشرف العام

شــمر بيا

يامـن جيتني تســأل بلجرا و ... شـمر بيا
دولاب الدهر والأهـل فرني و .. شـمر بيا
منهم أقرب الناس جر سهمه و .. شـمر بيا

مو غريب الطعن گلبي وبيه خنجره خَلّه

بيدارو

المعاني ..
بلجرا وشمر بيا .. ماجرى ومر بي
فرني وشمر بيا .. لوح بي ورماني
جر سهمة وشمر بيا .. سحب سهمة ورماني به
خنجره خَلّه .. وضع آو تر? خنجره المطعون في القلب

المشرف العام

لــولا جمــار النخــل، مـايحـلى تمرنا
طيور الهاجرة عثوگنا، غيرها تمرنا
عـونـك ياشـايل الهـم، گـول و أتمرنا

زرع وبواريك وصبغ والحنه هنديه

تأليف
حكمت البيداري

المشرف العام

ياما من الحسد بلعتنا آفات
أشكال البشر والنـاس آفات
ربتلي علـل وبالصـدر آفات

أعض إيدي وماتبت، أشلون بيّه

بيدارو

المعاني

بلعتنا آفات : جمع لكلمة آفه، تعني بالموروث الشعبي العراقي حيوان خرافي كالتنين
الناس آفات : حشرات تتلف المحاصيل الزراعية
بلصدر آفات : جمع كلمة أوف من الأفئفه

عضو منتديات فعال

مبدع انت ياصديقي .. كنت معجبا بأصدقائي من اهل الناصريه في الثمانينات من القرن الماضي عندما كانوا يتغنون بالابوذيات والدارميات في الملاجىء اثناء الحرب مع ايران .. ولم اكن اتوقع ان هناك من يتفوق عليهم في هذا المجال ولكن توقعي لم يكن صحيحا عندما قرأت ماتكتبه هنا وفي مواقع اخرى .. اتمنى لك المزيد من الابداع والتفوق وتقبل تحياتي وتقديري

والنعـم منـك، ياعبـد المجيـد
علـم وفكـر وتاريخـك مَجيـد
ابو الحضاره، وبكلشي مُجيد

عراقي، وللعراقي تلوك التحية

بيـدارو

چَم صَاحِب أبصَاحِب إلِّي طلَّع بالذَّات
والوفِّي مِنهُم ودونهُـم بَـس أنتَ بالذات
نَشمي يل أمأصّل ماهِمّت يوم باللذَّات

وتمشي للينخاك لوّن دربَه المِنيّه

بيدارو

المشرف العام

حمدة الله وشكرته بيوم شفتك
وتمنيتك يالحلو تندهلي شفتك
تحبني گلت؟وك،ما كـ شفتك

فدوة رحتلك، بس لا تلعب عليهَّ

بيدارو

المشرف العام

ياحلو الخدود بسبوسه / من الحلویات
أنطيني ولو بس بوسه / فقط قبله
الصدگ بيهم بس،أبو سه / شخص يكن بـ أبو سه

من گال باگة ورد والطول مزهرية

بيدارو

المشرف العام

قسمت العمر وياه ونصه نِطّيته
دليلي روحي صبح ومايوم نَطّيته
وعلى گلبي دگيت إسمه وبـ نطّيته

تاليها غدر يافلان وخان بيَهَ

بيدارو

المعاني

قسمت العمر وياه ونصه نِطّيته | أعطيته
دليلي روحي صبح ومايوم نَطّيته | قفزت من فوقه أي لم تجاوزته يوما
وعلى گلبي دگيت إسمه وبـ نطّيته | تطلق بالعامية العراقية للختم المطروق على الحديد او المعادن

المشرف العام

للخوة يجيك گوه لا تجبره
وكسر الكسر بيك لا تجبره
ضعيف النفس بالك لا تجبره

مني إلك خِذّها هاي الوصية

بيـدارو

المعاني

للخوة يجيك گوه لا تجبره : لاترغمه
وكسر الكسر بيك لا تجبره : من الجبيرة، لكسور العظام
ضعيف النفس بالك لا تجبره : لاتجعل منه جبارا

المشرف العام

mokhlis taufik كتب:: مبدع انت ياصديقي .. كنت معجبا بأصدقائي من اهل الناصريه في الثمانينات من القرن الماضي عندما كانوا يتغنون بالابوذيات والدارميات في الملاجىء اثناء الحرب مع ايران .. ولم اكن اتوقع ان هناك من يتفوق عليهم في هذا المجال ولكن توقعي لم يكن صحيحا عندما قرأت ماتكتبه هنا وفي مواقع اخرى .. اتمنى لك المزيد من الابداع والتفوق وتقبل تحياتي وتقديري

شكراً أخوني مخلص

مرورك الطيب سرني وأسعدني

رعاك الرب

» أبو ذيات .. للمحافظات العراقية
» دارميات البيداري
» لعُيون العراقية .. من، حكمت البيداري
» التناول الأول لـ كلوديا وكلارا البيداري
» استشهاد عزيز رزقو نيسان البيداري