bidaro com بيدارو كوم
أهلاً وسهلاً بكم في
منتديات بيدارو
مع اطيب الأوقات
للأخوة الراغبين بالتسجيل
يرجى الأطلاع على التعليمات
مع التقدير ،،
goweto_bilobed goweto_bilobed goweto_bilobed
,, أهلاً بأخي وصديقي الإنسان، من كان ومن أين ماكان ,,
goweto_bilobed goweto_bilobed goweto_bilobed

شاطر
اذهب الى الأسفل
avatar
بيدارو العراق
المشرف العام
المشرف العام

????? گلّي عراقي، وأخذ عيناي .. حكمت البيداري

في الخميس 20 ديسمبر 2007, 12:40 pm
ياطيبة العراقي

ياتمر نخلتنا
يالبن ديرتنا
ياخبزة التنور
من خير حنطتنا
ياگيمر المعدان
يا أستكان الچاي

يا ناگوط الطيب
من حِب الحبيب
طعم العسل وأحلى
صدگني ياخايب
روح الحياة
مو ماي

يا صوت الربابه
للفاگد احبابة
يادگت العود
والجوزه جوابه
يارگصة الچوبي
ياونت الناي

يا أبو الخيرات
دجله والفرات
يامهد الحضارات
وبيت النبوات
ياسيف المجرب
والشاهد أعداي

هلا بيك
هلا بگلبك
هلا بروحك
هلا بريحتك
أحضنها وأشمنها
وأحبنها هواي

يل مني وبيا
يابعد أمي وأبيا
دم وجسد
لاخر نفس بالريّا
أضل خويك
وتضل أخواي

التفرقه، بذرة فِتن
زرعوها أعداء الوطن
لاتگربلها وخلها
أتركها ياكلها العفن
هيَّ المرض
هيَّ الداي

لا تگلّي سني وشيعي
لاتگلّي عربي وكردي
لا مسيحي وصابئي
لاتركماني ويزيدي
گلّي عراقي
وأخذ عيناي

حكمت البيداري
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى