حرامي البيت ,,

حرامي البيت ,,

يتمختر يتمايل
يتباها يعجبه
يتمشى وشايل
البوگه ابعبه
تمعمع مثل الطلي
وين اليصيح حرامي
مليون بلوه يبتلي

يل تتختل بالظلمة
وعيونك أتشوف الظلم
وأيامك أمعتمة
لانور الشمس لاعلم
يمتى ولك يمتى
يتمتى خوفك ينتهي
يمتى ليلك ينجلي

يگولون ..!
اللي يبوگ ,,
ويعذب الشعب
ماعدى الشعب
تالي الله يحاسبه

دير بالك يوم
هل الكذاب أتكذبه
ولوتوگف مره بدربه
يطبق قانونه الهمشري
يبيعك بيك ويشتري
ويعد عليك الأنفاس
ويزغلط بالحسبه

وسط الوطن
يل عايش بغربه
لاأهل لاصحبه
لاحايط يستر، لاسگف
لاثوب يغطي، لالحف
خبز المذله اليابس
بدموعك أترطبه

الدنيا صارت مكلبه
الطفل بينا أتشيبه
ترضى لو ماترضى
تكرط بيك الأرضه
صارت، كلمن اله
والما اله، مرض يطبه

حكمت البيداري

وأنت السالم ياصديقنا الحبيب

رعاك الرب