وطني ..

وطني ..
بمهد الحضارات ينوصف
ابيت النبوات ينعرف
وطني ..

اول قلم ..
على الحجر والطين
صاغ الحرف ..
مجد التاريخ بالكتب
علم الدنيا اشلون
تنشر صحف ..

ري وزراعه
فنون وصنائع ..
طب وعلوم
قوانين وشرائع ..
هندسة وبناء
طرق وجسور
ابراج ومدن
عظمة وروائع ..

هنانه زقورة اكد
وهناك نينوى اشور ..
هاي مسلة حممورابي
وذيج سومر ويمها اور

مو غرور
حقنا هذا وبعد اكثر ..
عدنا من الأثار
بكل شبر من كاعنا أثر ..

مو من سنه وسنتين
ولا ميه ولا ميتين
عدها بلالأف
عدها ولاتخاف
الف ينطح الف

ولو ردت ..
تحكم وتنصف
بروس اهله العراق
لازم البشر تحلف
..

بيدارو